Fagmennska - nærgætni - gleði.

 

Mesta leyfileg breidd ökutækja, með eða án farms, skal letruð á merkið. Tveir síðustu stafir í númeri tákna tilgreinda breidd í metrum með einum aukastaf. Þannig hefur merkið sem hér er sýnt númerið B 13.22.

Mesta leyfileg hæð ökutækja, með eða án farms, skal letruð á merkið. Tveir síðustu stafir í númeri tákna tilgreinda hæð í metrum með einum aukastaf. Þannig hefur merkið sem hér er sýnt númerið B 15.35.
 

Mesta leyfileg heildarþyngd samtengdra ökutækja skal letruð á merkið. Takmörkunin gildir einnig um einstök ökutæki. Tveir síðustu stafir í númeri tákna tilgreinda þyngd í heilum tonnum. Þannig hefur merkið sem hér er sýnt númerið B 17.20.
(Heildarþynd er allt það sem má vera í bifreiðinni þar með talið fólk og farangur.)
 

Merki þetta ber að nota við vegamót, þar sem ökumönnum ber skilyrðislaust að nema staðar og veita umferð á vegi, sem ekið er inn á eða yfir, forgang. (Hér verður að stoppa alveg og engin undantekning þar á. Stoppa skal með framenda bílsins við stöðvunarlínu í vegi en ef hún er ekki þá við merkið) MERKIÐ ER ÁTTHYRNT SVO ÞEKKJA MEGI ÞAÐ AFTANFRÁ.
 

Merki þetta ber að nota þar sem bannað er að leggja ökutæki. Bannið tekur aðeins til þess vegarhelmings sem merkið er á. Bannið gildir í akstursstefnu frá þeim stað þar sem merkið er og að næstu vegaamótum (gatnamót). Ef bannið á ekki að ná að næstu vegamótum má setja upp merki á þeim stað þar sem banninu á að ljúka og þar undir ör sem snýr á móti akstursstefnunni (J01.51 eða J01.52). Ef bannið nær aðeins um skamman veg má nota eitt merki með undirmerki sem tilgreinir fjarlægðina (J02.11). Ef þurfa þykir má árétta bannið með merki eða merkjum innan bannsvæðisins og þar undir örvum sem vísa í báðar áttir (J01.61). Nái bannið aðeins til tiltekinna tegunda ökutækja skal velja undirmerki með upplýsingum um það. Þegar bannað er að leggja ökutækjum á tilteknum dögum eða tilteknum tíma logs eða lengur en t.d. 30 mín. skal letra um það upplýsingar á undirmerki (J06.11 eða J07.11). Merki þetta skal ekki nota þar sem stöðumælar eru en þeir gefa til kynna að heimild til að leggja ökutæki sé takmörkuð við tiltekið tímabil gegn greiðslu. Hér má stöðva til að lesta og afferma enda sé unnið við bifreiðina. Að leggja þýðir að yfirgefa bifreiðina eða bíða í bifreiðinni. 
 

Merki þetta ber að nota við akstursleiðir inn á svæði þar sem bannað er að leggja ökutæki nema í takmarkaðan tíma. Nánari upplýsingar um takmörkun skulu letraðar á merkið.
 

Merki þetta ber að nota við akstursleiðir út af svæði þar sem bannað er að leggja ökutæki nema í takmarkaðan tíma.
 

Merki þetta ber að nota þar sem bannað er að stöðva ökutæki, enda sé stöðvun eigi nauðsynleg vegna annarrar umferðar. Hliðstæðar reglur gilda um notkun þessa merkis og um notkun merkisins B21.11. Þýðir eiginlega að það sé bannað að stoppa frá þessu merki að næstu gatnamótum.
 

Merki þetta má nota við vegamót þar sem hægri beygja er bönnuð. Og U beygja er líka bönnuð